Инновацион таълим усуллари ва воситалари: ўқув қўлланма

Аннотация

«Инновацион таълим усуллари ва воситалари» деб номланган ушбу ўқув қўлланма янги инновацион педагогик технологиялар йўналишига бағишланган бўлиб, унда хилма хил соҳаларда дарс берувчи профессор-ўқитувчи, лектор ва маърузачилар учун дарс беришнинг (ёки оммага маълумот беришнинг) бир қанча интерфаол услубда бўлган замонавий усуллари ҳамда дастурий-техник воситаларининг имкониятлари ёритилади. Қўлланмада бундан ташқари, бир қанча интерфаол таълим усуллари, амалий иш ўйинлари, активаторлар, кучайтиргичлар, бошқотирмалар ва музёрарлар берилганки, уларни амалиётда қўллаш дарсларни яна ҳам қизиқарлирок ва фаолроқ қилишга ёрдам беради. Рисолада ёритилган интерактив мулоқот тизимлари эса дарс давомида талабалар билан бевосита мулоқот қилишнинг замонавий дастурий-техник воситалари бўлиб, улар воситасида ўқитувчи (лектор ёки бирор бир мавзуни оммага тақдимот этувчи) ва талабалар (тингловчилар) орасида реал вақт режимида тўғридан-тўғри ахборот алмашинуви амалга оширилади. Бундай дастурий-технологик тизимларда компьютер, ўқитувчи ва талабалар орасида симсиз алоқа мавжуд бўлиб, стандарт (ёки махсус) тақдимотлар дастурий таъминоти орқали маълумот алмашинилади. Талабаларнинг тизим билан алоқаси махсус пультлар (телевизорникига ўхшаш), мобил телефонлар ёки Интернет орқали амалга оширилиши мумкин бўлади. Бундай технологияни турли хил номлар билан аталади, масалан, талабалардан маълумот қабул қилувчи тизимлар, реал вақт режимида жавоб берувчи тизимлар, тестлаштирувчи тизимлар, интерфаол алоқа тизимлари, талабаларнинг мулоқот тизимлари ва бошқалар. Таълим тизимда эса талабаларнинг интерфаол мулоқот тизимлари (SRS) ёки аудитория мулоқот тизимлари (ARS) деган номлар қабул қилинган. Талабаларнинг қўлларида бўлувчи маҳсус дистанцион пультларни эса кўпинча «Clicker – Туртгич» деб ҳам аталади. Бозорга кейинги пайтларда кириб келган бундай интерфаол мулоқот тизимлари махсус дастурий таъминотни ҳам талаб қилмайди, улар очиқ архитектура тамойилига асосланиб ишлайдилар ва маълумотларни мобил телефонлардан, смарт телеқурилмалардан, шахсий ва планшет компьютерлардан бемалол қабул қила оладилар. Ушбу рисолада ақлли синф (Smart Class) инновацион таълим технологиялари комплекси (шу жумладан, TMSC-Team Model Smart Classroom, ezStation- Lecture Capture System, HiLearning-Student Tablet Solution, ezVizion-Document Camera, Haboard-Interactive Whiteboard System, HiTech-Interactive Teaching System, WebClick-Web Interactive Response System, ClouDAS-Cloud Computing, Diagnozing and Analysing Service, EEE Learning-Engage, Enrich, Enhance Learning, III Learning-Innovative, Interact, Improve Learning каби замонавий таълим технологиялари тизимлари) нинг ташкил этувчилари ва уларни таълим жараёнида қўллаш бўйича етарлича маълумот берилган. Бундай турдаги тизимларга янги турдаги функционал имкониятлар, шу жумладан, алоҳида сўзлар булутлари (word clouds) га ажратилган исталган турдаги матнлар, Ха/Йўқ ёки Тўғри/Нотўғри туридаги саволларни ва кўп вариантларни танлашга асосланган тестлар стандарт дастурий таъминот асосида осонлик билан қўшилиши мумкин. Ушбу рисола ўз фаолиятида замонавий таълим инновацион технологияларини қўллашни истаган барча профессор-ўқитувчилар, лекторлар ва маърузачилар учун мўлжалланган.

Библиографическая запись

Другие книги этого автора

Отзывы и оценки

Войдите и оставьте отзыв.

Отзывов пока нет.